WACHIMBAJI WADOGO 400 WALIONDOLEWA KATIKA MACHIMBO YA MWASABUKA MKOANI GEITA,WAREJESHWA

Zaidi ya wachimbaji wadogo 400 wa dhahabu,waliokuwa wameondolewa katika machimbo ya Mwasabuka yaliyopo wilaya ya Nyang’whale mkoani Geita kwa madai kwamba eneo hilo ni mali ya mgodi wa dhahabu wa Acacia,baada ya mashimo yao kufukiwa kwa amri ya mkuu wa wilaya hiyo, hatimaye hii leo wamerejeshwa tena katika maeneo yao.

Uamuzi wa kuwarejesha wachimbaji hao katika eneo hilo lililokuwa chini ya ulinzi mkali wa askari polisi wenye silaha za moto na mabomu ya machozi umetangazwa na mwenyekiti wa Chama cha Mapinduzi mkoani Geita Mh.Joseph Kasheku msukuma.

Mkuu wa mkoa wa Geita Meja Jenerali Mstaafu Elias Kyunga ambaye amezuru katika eneo hilo la machimbo ya Mwasabuka,ameliagiza jeshi la polisi kutoendelea kuwabughudhi wachimbaji hao.

Mapema alfajiri, askari wa kikosi cha kutuliza ghasia (FFU ) kutoka mkoani Geita  kilikuwa kikiwafukuza baadhi ya wachimbaji waliokuwa wameanza kurejea katika mashimo yao,jambo ambalo wamedai linakiuka agizo la Rais Dk.John Magufuli.