AFIKISHWA MAHAKAMANI KWA TUHUMA ZA KUOMBA RUSHWA YA NGONO

Mtuhumiwa akiwa nje ya mahakama.

Joseph Mgile akiwa ameweka pozi la kupigwa picha na waandishi na baada ya kamera kumzonga zonga.

Tasisi  ya kuzuia na kupambana na rushwa (takukuru) Mkoani  Geita imemfikisha mahamani mfanyakazi wa mgodi wa kuchimba dhahabu GGM Joseph  Mgile kwa kosa la  kuomba rushwa ya ngono wakati wa kutoa ajira ndani ya mgodi huo.

Wakisoma shitaka hilo mbele ya hakimu mkazi mfawidhi wa mahakama ya wilaya ya Geita Ushindi Swaro wanasheria wa takukuru Kelvin Murusuri akishirikiana na Felister Chamba wameiambia mahakama hiyo kuwa tarehe moja juni  2015 Joseph  Mgile akiwa afisa mwajiri wa mgodi wa GGM aliomba  rushwa ya ngono kutoka kwa Saida Honga kwa ili kumpatia kazi.

Wanasheria hao wameendelea kuieleza mahakama hiyo kuwa pamoja na Saida kuwa na vigezo vyote vya kupata kazi  lakini alishindwa kupata kazi kwa kigezo cha kukataa kutoa rushwa ya ngono.

Mara baada ya kumaliza kusoma shitaka hilo mshitakiwa alikana shitaka hilo na kuomba kupatiwa dhamana ambapo alitakiwa kuwa na wadhamini wawili na kila mmoja kusaini hati ya milioni saba kila mmoja.

Mshitakiwa huyo amekosa vigezo vya dhamana na kupelekwa rumande na kesi hiyo inatarajiwa kuanza kusikilizwa kesho.

Imeandaliwa na Joel Maduka.