MSANII MO MUSIC ALAUMU MENEJIMENTI YAKE JUU YA KUCHELEWESHA VIDEO YAKE

Basi Nenda’ na ‘Nitazoea’ ni nyimbo za Mo Music ambazo zimewahi kufanya vizuri kwenye media mbalimbali.

Baada ya kupita kipindi cha takribani miezi minne tangu atoe wimbo wa ‘Skendo’, amezidi kuwa kwenye hali mbaya baada ya kushindwa kuachia video yake. Akiongea na Bongo5, Mo Music amesema, ‘Inaniuma sana nimeshindwa kuachia video ya Skendo kwa wakati, tatizo ni menejimenti yangu’.

“Inaniuma sana lakini pia nimechoka kudanganya, kweli nimeshindwa kuachia video ya ‘Skendo’ kwa wakati. Menejimenti yangu ndiyo imechelewesha hilo. Wiki ijayo nitaachia video mbili, moja ikiwa ni ya wimbo wa ‘Skendo’ na nyingine itakuwa ni ya wimbo wangu mpya ambayo audio yake itafuata baadaye,” ameongeza.

CHANZO na Bongo5.