MWALIMU AMBAKA MWANAFUNZI WAKE NA KUMSABABISHIA UJAUZITO GEITA.

                                  Kamanda wa polisi mkoa wa Geita Lotson Mponjoli

Jeshi la polisi wilayani Bukombe mkoani Geita  limemfikisha mahakamani mwalimu Jackson Jilaa  wa shule ya msingi Kakoyoyo kata ya Bulega kwa kosa la kubaka na kumsababishia ujauzito mwanafunzi wake mwenye umri wa miaka 16 aliyefaulu kujiunga na kidato cha kwanza mwaka huu katika shule ya sekondari    Bulega.

Mbele ya hakimu mkazi mfawidhi mwandamizi wa mahakama ya wilayani hapo Gabriel Kulwijira mwendesha mashitaka wa polisi  mkaguzi msaidizi  Neema Naruke ameieleza mahakama hiyo kuwa mshitakiwa bila aibu na bila kujali maadili ya utumishi alimbaka mwanafunzi wake na  kumsababishia  ujauzito.

Amesema kuwa kitendo alichokifanya mwalimu Jackson Jilala cha kumharibia maisha mwanafunzi wake ambae alifauru mtihani wa darasa la saba ni kitendo cha udhalilishaji na pia ni ukatili   wa   kijinsia.

Hata hivyo mshtakiwa  mwalimu Jackson amekana shitaka na hakimu mfawidhi wa mahakama ya wilaya Gabriel Kurwijila amemrudisha rumande hadi hapo kesi  itakapotajwa  tena.