MBUNGE MSUKUMA ANASHIKILIWA NA JESHI LA POLISI MKOANI GEITA

Mbunge wa Jimbo la Geita ambaye ni mwenyekiti wa chama cha mapinduzi Mkoani Geita ,Joseph Kasheku Msukuma akizungumza na wananchi m jimboni kwake.

Kamanda wa Jeshi la Polisi Mkoani Geita Mponjoli Mwabulambo Akizungumza na waandishi wa Habari juu ya tukio la kuandamana wa madiwani wa Halmashauri mbili za Mji na Wilaya.

Jeshi la polisi Mkoani Geita linamshikilia Mbunge wa Jimbo la Geita  Joseph Kasheku Msukuma kutokana na tukio la maandamano ambayo yalifanyika siku ya Alhamisi wiki hii yaliyopelekea uharibifu wa  miundombinu ya maji kwenye mgodi wa GGM.

Kamanda wa Jeshi la polisi Mkoani Geita,Mponjoli Mwabulambo amezungumza na BAHEBE STAR ambapo amesema kuwa wanawashikilia madiwani sita  pamoja na mbunge huyo kwa ajili ya kufanya nao mahojiano ambayo yatabaini ni akina nani ambao wamehusika na tukio hilo la kuandamana  kinyume na sheria.

Amesema kuwa Mbunge huyo wamemkamata majira ya mchana siku ya jana mjini Geita na kwamba wanaendelea na mahojiano  ambayo yatasaidia kuwabaini wale ambao walihusika na tukio.

Kamanda Mponjoli amesema jeshi lake linaendelea na msako wa kuwabaini,kuwakamata na kuwachukulia hatua wale wahusika wa  tukio hilo na kwamba sheria ya makosa ya jinai haina  kikomo na kwamba  mtu akifanya kosa leo na akakwepa ataendelea kutafutwa,na hana namna ya kuukwepa  Mkono wa sheria.

Mapema wiki  hii  ,jeshi hilo lililazimika kutumia nguvu 

kutawanya maandamano ya madiwani pamoja na wananchi 

walioweka vizuizi katika barabara inayoingia mgodini 

wakishinikiza kulipwa ushuru wa huduma kiasi cha dola za 

kimarekani milioni 12.65 ambazo ni sawa na zaidi ya 

shilingi Bilioni 26.