RC MARA AKATAA CHAKULA CHA MSAADA

Serikali mkoani Mara imetangaza kutohitaji hata chembe ya chakula cha msaada baada ya kujiridhisha kuwa mkoa huo una chakula cha kutosha na kwamba baadhi ya wanasiasa waache kuhusisha upungufu wa aina ya chakula katika baadhi ya familia kuwa ni baa la njaa.

Kauli hiyo imetangazwa na Mkuu wa mkoa wa Mara Dk Charles Mlingwa,wakati akielezea hali ya chakula mkoani humo,na kusema kuwa kuna tabia ya baadhi ya watu wa mkoa wa Mara wamekuwa wakibagua aina ya vyakula na hivyo kutafasiliwa kuwa mkoa huo kuwa sehemu ya maeneo yenye uhaba wa chakula nchini.

Kwa sababu hiyo mkuu huyo wa mkoa wa Mara,amesema katika kuhakikisha mkoa huo unajitoleza kwa chakula wakati wote, hivi sasa serikali ya mkoa inakamilisha mipango mbalimbali ya kuanzisha kilimo cha umwagiliaji kwa kutumia maji ya Ziwa victoria,mito na mabonde.

Nao baadhi ya wauzaji wa nafaka katika masoko ya Halmashauri ya Manispaa ya Musoma mkoani Mara,wakitoa taarifa kwa mkuu huyo wa mkoa wa Mara,wamesema kuwa chakula kipo cha kutosha katika masoko ingawa mzunguko mdogo wa fedha umesababisha ugumu wa maisha.