BINTI AJIFUNGUA NA KUTUPA MTOTO KATIKA CHOO CHA KANISA SHINYANGA.

Binti mmoja anayekadiliwa kuwa na umri wa miaka 23 anashikiliwa na Jeshi la polisi mkoani Shinyanga kwa kosa la kujifungua mtoto na kumtupa katika shimo la choo cha kanisa eneo la Kitangili mjini Shinyanga hali ambayo imesababisha kifo chake.

ITV imefika katika eneo la Kitangili mjini Shinyanga na kukuta kundi kubwa la watu wakiwa katika hali ya taharuki wakilalamikia kitendo kilichofanywa na binti huyo huku wakieleza masikitiko yao kwa kitendo cha kutupwa mtoto ambapo mchungaji wa kanisa la AIC Kitangili ambako tukio limetokea akieleza kuwa yeye na baadhi ya waumini waligundua kuwepo kwa mtoto mchanga katika shimo la choo baada ya kusikia akilia.

Kaimu Kamanda wa polisi mkoa wa Shinyanga Elias Mwita amekiri kutokea kwa tukio ambapo amesema chunguzi wa awali unaonyesha kuwa binti huyo anahusika lakini jeshi la polisi linaendelea na uchunguzi zaidi.

SOURCE:ITV.